Një 2- vjeçar ka vdekur të dielën në QKUK ku ishte duke u trajtuar pasi kishte pësuar lëndime më 31 gusht në fshatin Vrajakë të Raovecit.
Ai ishte lënduar aksidentalisht dhe kishte pësuar lëndime në kokë dhe ishte duke u trajtuar në QKUK.
Rasti është konfirmuar nga zëdhënësi i Policisë së Kosovës për rajonin e Gjakovës, Shermet Elezaj.
Elzaj ka thënë për teve1.info se rasti është duke u hetuar.
“Me datë 31.08.2025, rreth orës 16:30, stacioni policor në Rahovec është njoftuar se në fshatin Vrajakë-Rahovec, ka ndodhur një rast lëndim aksidental. Sipas informatave të para të pranuara, viktima – një fëmijë i gjinisë mashkull, i lindur në vitin 2023, ishte rrëzuar dhe kishte pësuar lëndime në kokë. Fillimisht ai është dërguar për tretman mjekësor në spitalin rajonal të Gjakovës, e më pas është transferuar në QKUK , ku ka vazhduar trajtimin mjekësor. Sot jemi njoftuar se i njëjti ka ndërruar jetë. Lidhur me rastin është njoftuar Prokurori i Shtetit, i cili ka udhëzuar të iniciohet rast “Hetim i Vdekjes’”, ka thënë ai.
