Në kuadër të bashkëpunimit ndërinstitucional dhe si pjesë e Task Forcës Kundër Piraterisë, Dogana e Kosovës, në koordinim me Inspektoratin e Tregut, ka realizuar 12 inspektime në tregun e brendshëm.
Si rezultat i kontrolleve, janë ndaluar nga qarkullimi 275 njësi lodrash për fëmijë, të dyshuara se cenojnë të drejtat e autorit dhe pronës intelektuale.
Dogana e Kosovës dhe Inspektorati i Tregut theksojnë përkushtimin e tyre në mbrojtjen e të drejtave të autorit dhe do të vazhdojnë bashkëpunimin me institucionet e zbatimit të ligjit për të luftuar piraterinë dhe falsifikimet në treg.
