Në Gjilan kanë nisur punimet për ndërtimin e bulevardit të qytetit, investim ky në vlerë 18 milionë euro.
Kryetari i Gjilanit, Alban Hyseni ka thënë se ky do të jetë projekti më i madh kapital në historinë e këtij qyteti.
“Ky bulevard do të ketë 450 metra gjatësi, rreth 30 mijë metra katror hapësirë publike, 500 parkingje nëntokësore si dhe objektin e ri të administratës komunale me sipërfaqe prej 8,700 metra katror. Në të njëjtën kohë, nisën punimet edhe për 6 rrugë të reja me gjatësi totale prej 7,995 metrash, me një investim prej 3 milionë euro. Po ashtu, do të ndërtohet edhe rrethrrotullimi i Qakorres me rrugën e Prishtinës, një projekt me vlerë 330 mijë euro”, ka shkruar ai.
I pranishëm në këtë ngjarje ishte edhe kryeministri në detyrë, Albin Kurti.
