Pas kësaj mbledhjeje, Hovenier është shprehur i nderuar për ftesën e marrë për të qenë pjesë e këtij Komisioni, shkruan teve1.info
Në një konferencë për media, ambasadori amerikan potencoi se së bashku me anëtarët e Komisionit patën një bisedë të frytshme.
“Sapo pata një diskutim të këndshëm me anëtarët e Komisionit për Punë të Jashtme dhe Diasporë, isha i nderuar për këtë ftesë. Patëm një diskutim frytdhënës për sigurinë nacionale. Kam vlerësimin më të lartë për rolin e Kuvendit, si një element i sistemit demokratik dhe gjithashtu kam respekt edhe për anëtarët e këtij Komisioni dhe punën që ata bëjnë për të mbështetur Kosovën në politikën e jashtme dhe sigurinë kombëtare”, u shpreh Hovenier.
Në anën tjetër, kryetari i këtij Komisioni Haki Abazi theksoi se me ambasadorin Hovenier diskutuan për marrëdhëniet mes dyja vendeve dhe rrugëtimin e përbashkët drejt integrimeve veri-atlantike.
“Kishim mysafir ambasadorin e SHBA-së, rikonfirmuam lidhjen e marrëdhënieve strategjike me SHBA-të, rrugëtimin tonë të përbashkët drejt integrimeve veri-atlantike”, u shpreh Abazi. /Teve1.info/
