Kryeministri në detyrë i Kosovës, Albin Kurti, ka caktuar sot zëvendësministrin e deritanishëm të Drejtësisë, Blerim Sallahu, ushtrues të detyrës së Ministrit të Drejtësisë, pas zgjedhjes së Albulena Haxhiut në pozitën e nënkryetares së Kuvendit të Kosovës.
Kurti e ka uruar Sallahun për përgjegjësinë e re dhe i ka dëshiruar suksese në përmbushjen e detyrave.
Ndryshe, Albulena Haxhiu e Lëvizjes Vetëvendosje, Vlora Çitaku e Partisë Demokratike dhe Kujtim Shala i Lidhjes Demokratike janë zgjedhur të martën nënkryetarë të Kuvendit të Kosovës.
Pro votimit të tyre, në pako, ishin 101 deputetë./teve1.info/
