Skuadra e Romës ka hequr dorë nga transferimi i mesfushorit Jadon Sancho për shkak të kërkesave të futbollistit anglez.
Edhe pse ka arritur marrëveshje me Manchester Unitedin, ekipi Italian nuk ka arritur të marrë aprovimin e Sanchos për të vazhduar me procedurat e transferimit.
Kështu që, pas disa javësh negociata, skuadra e Romës është dorëzuar në tentimin për shërbimet e Sanchos, i cili nuk bën pjesë në planet e Manchester Unitedit.
Skuadra italiane kishte arritur marrëveshje me klubin anglez, i cili për kartonin e tij po kërkon 20 milionë euro.
25-vjeçari sezonin e shkuar ishte i huazuar te Chelsea, ekip që nuk shfrytëzoi opsionin e blerjes së tij, duke e kthyer te Manchester Unitedi, me të cilin ka kontratë deri në verën e vitit të ardhshëm.
