Vullnet Bugaqku nga IDK ka deklaruar se kryetari i ri i Kuvendit, Dimal Basha ka shkelur rregulloren e punës së Kuvendit dhe aktgjykimin e Gjykatës Kushtetuese të Kosovës sa i përket procesit të votimit të kandidatëve për nënkryetar të Kuvendit.
Sipas Bugaqkut, do të duhej të propozohej fillimisht kandidatura nënkryetar nga komunitetet e tjera jo serbe dhe bashkërisht këto propozime të hedhën në votim.
Madje, Bugaqku ka thënë se sipas Kushtetutës së Kosovës propozimi për nënkryetar të Kuvendit duhej të vinte nga Grupi Parlamentar i cili përfaqëson shumicën e përfaqësimit të komunitetit serb në Kuvend.
“Është hap pozitiv fakti që deputetët e Kosovës arritën të votojnë një kandidaturë për kryetar të Kuvendit, megjithatë unë theksoi një fakt shqetësues qysh kryetari i ri i Kuvendit menjëherë sa e pranoi detyrën shkeli Kushtetutën e Kosovës, rregulloren e punës së Kuvendit dhe aktgjykimin e Gjykatës Kushtetuese të Kosovës dhe praktikat e deritanishme parlamentare sa i përket procesit dhe procedurës së votimit të kandidatëve për nënkryetar të Kuvendit që përfaqëson komunitetet jo shumicë në Kosovë.
Sipas Kushtetutës së Kosovës propozimi për nënkryetar të Kuvendit nga radhët e komunitetit serb duhet të vihet nga Grupi Parlamentar i cili përfaqëson ose e ka shumicën e përfaqësimit të komunitetit serb në Kuvend dhe rrjedhimisht duhej të vinte domosdo një propozim nga ana e Listës Serbe, shkelja tjetër është që ky propozim u lejua nga kryetari i Kuvendit që propozimi i parë për votimin për nënkryetarin e komuniteteve të zhvillohet te komunitetet jo serbe këtë rast është shkelje e Kushtetueses sepse do duhej fillimisht të propozohej kandidatura për nënkryetar nga komuniteti që përfaqëson serb në Kosovë dhe qysh thotë Kushtetuta nga që të vihej propozimi nga komunitetet e tjera jo serbe dhe bashkërisht këto propozime të hedhën në votim ngjashëm sikurse u votuan propozimet e tri kandidaturave të ofruara nga tri subjektet politike më të mëdha parlamentare”, ka deklaruar Bugaqku në emisionin “Ditari” në tëvë1.
Ndryshe, Bugaqku këtë situatë në Kuvend e sheh si tendencë që të zvarritet edhe më tutje çështja e konstituimit të Kuvendit.
“Unë po e shoh një tendencë që të zvarritet edhe më tutje çështja e konstituimit të Kuvendit, këta e kanë gjetur një mënyrë…..duket qartë që nuk ka një vullnet politik që konstituimi I Kuvendit të bëhet brenda normave siç e ka përcaktuar Gjykata Kushtetuese”, shtoi ai./teve1.info/
