Sulmuesi Alexander Isak mbetet i vendosur të largohet nga skuadra e Neëcastle Unitedit në këtë afat kalimtar.
“The Telegraph” shkruan se suedezi Isak sërish ka njoftuar Newcastle Unitedin se dëshiron ti bashkohet Liverpoolit, ndonëse ekipi i tij është në pritje të një oferte tjetër zyrtare për Isakun.
Drejtuesit e Newcastlet janë takuar me Isakun në prag të ndeshjes kundër Liverpoolit, që u zhvillua të hënën mbrëma por suedezi kategorikisht ka kërkuar largimin nga “St. James Park”.
E ardhmja e sulmuesit të Suedisë mbetet në dyshim pasi Nwëcastle ka refuzuar ofertën e parë të Liverpoolit prej 120 milionë eurosh, duke insistuar në 170 milionë euro për kartonin e tij.
Deri në fund të këtij afati kalimtar kanë mbetur edhe pak ditë dhe mbetet të shihet se çfarë do të ndodhë me sulmuesin 25-vjeçar që ka kontratë me Newcastlen deri në vitin 2028.
