Futbollisti i Kombëtares së Kosovës, Edon Zhegrova është bërë shtetas i Republikës së Shqipërisë.
Sulmuesi i krahut, është pajisur ditë më parë me pasaportën e Shqipërisë pasi është dekretuar nga presidenti Bajram Begaj pas kërkesës së bërë.
Vendimi për pajisjen e Zhegrovës me pasaportë shqiptare është marrë më datën 22 të këtij muaji, ndërsa menjëherë është futur në fuqi.
Pajisja e Zhegrovës me pasaportën e Shqipërisë, mund ta ndihmojë 26-vjeçarin edhe më shumë për t’iu bashkuar Juventusin.
Kjo për faktin se futbollistët shqiptar nuk llogariten të huaj në Itali që nga viti I shkuar.
Zhegrova ka marrëveshje personale me Juventusin dhe po pret ekipin italian që të arrijë marrëveshje me Lillen për transferimin e tij.
