Sipas njoftimit të Policisë, në cilësi të provave materiale janë sekuestruar edhe një veturë e tipit Renault, një e tipit Audi dhe dy telefona mobil.
Policia bën të ditur se lidhur me rastin, dy personave të dyshuar u është caktuar masa e ndalimit, ndërsa një person tjetër gjendet ende në arrati.
“Në lidhje me rastin është njoftuar prokurori kompetent dhe me urdhër të gjyqtarit të procedurës paraprake janë kontrolluar shtëpitë dhe objektet përcjellëse të personave të dyshuar, ku gjatë kontrollimit të tyre nuk është gjetur asgjë e dyshimtë. Me vendim mbi ndalimin e personave, dy të dyshuarve meshkuj/kosovarë u është caktuar masa e ndalimit, ndërsa një person tjetër i dyshuar mashkull/kosovar gjendet në arrati”, bëhet e ditur në njoftim.
Rasti vazhdon të hetohet nga njësitë kompetente policore. /Teve1.info/