Një aksident i rëndë trafiku ndodhi në shtetin amerikan Nju Jork, ku një autobus turistik që po kthehej nga Niagara Falls doli nga rruga dhe u përmbys.
Në autobus ishin mbi 50 pasagjerë dhe policia konfirmoi se kishte disa të vdekur dhe të lënduar.
Aksidenti ndodhi në autostradën I-90 pranë Pembroke, një qytet rreth 40 kilometra në lindje të Buffalo.
“Sipas informacionit aktual, ka disa të vdekur, të bllokuar dhe të plagosur”, tha James O’Callaghan, një zëdhënës i Departamentit të Policisë së Nju Jorkut.
Një numër ambulancash dhe helikopterësh mjekësorë u dërguan menjëherë në vendngjarje.
Sipas O’Callahan, shumica e pasagjerëve ishin me origjinë nga India, Kina e Filipinet. Shoferi i autobusit i mbijetoi aksidentit.
Mercy Flight konfirmoi se tre helikopterët e saj ishin të përfshirë në transportin e pacientëve dhe të paktën tetë persona u shtruan në Qendrën Mjekësore të Qarkut Erie në Buffalo.
“Po lutemi për viktimat në këtë kohë,” tha Margaret Ferrentino, presidente e Mercy Flight.
