Një vetaksident tragjik ka ndodhur mëngjesin e sotëm në rrugën “Konferenca e Bujanit” në Pejë.
Sipas Policisë, rreth orës 05:20, një veturë ka goditur një shtyllë ndriçimi rrugor. Si pasojë, ngasësi ka pësuar lëndime të rënda trupore dhe është dërguar me urgjencë në Spitalin Rajonal të Pejës, ku ekipi mjekësor ka konstatuar vdekjen e tij.
Zëdhënësi i policisë për rajonin e Pejës, Driton Rugova, ka konfirmuar rastin, duke shtuar se hetimet për zbardhjen e rrethanave kanë nisur.
Edhe Spitali i Përgjithshëm i Pejës ka njoftuar se personi i aksidentuar ka arritur në repartin e Emergjencës pa shenja jete, ndërsa ka shprehur ngushëllimet për familjen e të ndjerit.
