Organizatat e dala nga lufta kanë bërë të ditur se do ta mbështesin protestën e organizuar nga mërgata kundër Gjykatës Speciale.
Kjo protestë do të mbahet në Hagë të Holandës më 14 shtator në ora 14:00.
Hysni Gucati, kryetar i OVL-UÇK-së ka thënë se nga bashkëluftëtarët që jetojnë në mërgatë kanë marrë kërkesë për mbështetje të protestës dhe se ata i janë përgjigjur pozitivisht.
“Mërgata dhe veteranët tonë kanë kërkuar ndihmën tonë dhe ne ju kemi përgjigj. Arsyeja pse mbahet më 14 shtator, është se më 15 shtator dëshmitari i parë i mbrojtjes që do të paraqitet është nga Amerika. Kemi shpreh mbështetjen për këtë protestë. Leja për protestë është dhënë dhe ka mbetur të caktohet vetëm lokacioni”, ka thënë ai në një konferencë për media të enjten.
Fatmir Koci njëri nga organizatorët ka thënë se për pjesëmarrje në protestë ka interesim të madh duke thënë se në Hagë po gjykohet lufta çlirimtare.
“Atje nuk po gjykohen individë ,por lufta çlirimtare dhe vet shtetësia e Kosovës. Prandaj ju bëjë thirrje të gjitha institucioneve e partive politike dhe çdo shqiptari në diasporë të jenë në protestën në Hagë.Kemi interesim të madh nga gjithë diaspora për të marrë pjesë”, ka thënë ai.
Xhavit Jashari, kryetar i Shoqatës së Familjes së Dëshmorëve, ka folur edhe për vendimin e Gjykatës Speciale për ndalimin e 11 personave që ta vizitojnë ish-presidentin Hashim Thaçi.
Ai ka thënë gjitha proceset e Speciales i kanë kundërshtuar dhe i kundërshtojnë.
“Reagimet tona kanë qenë çdo herë, se është gjykatë politike e një anshme dhe nuk merret fare me drejtësie. Taret ka qenë lufta e UÇK-së. Gjithë këto procese ne i kemi më parë në atë kohë dhe i kundërshtojmë”, ka thënë ai./teve1.info/
