Kompania e autobusit “Pranvera Tours”, autobusi i të cilit është përfshirë në një aksident ku një person humbi jetën dhe pesë të tjerë u lënduan ka reaguar për rastin.
Në reagim ata i kanë shprehur ngushëllime familjes të së ndierit, duke bërë me dije se shoferi i tyre dhe pasagjerët janë jashtë rrezikut për jetë.
“Me keqardhje të thellë ju njoftojmë se sot ka ndodhur një aksident trafiku ku është përfshirë njëri nga autobusët e kompanisë sonë dhe një automjet tjetër. Fatkeqësisht, si pasojë e këtij aksidenti, ka humbur jetën shoferi i veturës. Ne shprehim ngushëllimet tona më të sinqerta për familjen dhe të afërmit e tij në këtë moment të vështirë. Shoferi dhe pasagjerët tanë kanë marrë ndihmën e nevojshme mjekësore dhe gjendja e tyre është jashtë rrezikut”, thuhet në reagimin e tyre.
Një person ka humbur jetën dhe pestë të tjerë janë lënduar në aksidentin e ndodhur në orët e mëngjesit të hënën.
