Në samiti Trump – Putin ku në agjendë janë disa tema nga situata në Ukrainë e deri te ato ekonomike, Ballkani Perëndimor dhe Kosova mund të jenë nën-temat e diskutimit.
Kështu ka vlerësuar, ish- ministri i Punëve të Brendshme, Bejtush Gashi.
Ai ka thënë se Rusia mund ta përdorë çështjen Kosovës për arsyetimin e territoreve të pushtuara në Ukrainë.
“Aty pritet të diskutohen disa tema dhe ndër to si nën-temë mund të diskutohet edhe çështja e Ballkanit Perëndimor. Ajo mund të diskutohet në mënyrë të tërthortë edhe si rast ‘sui generis’ ku edhe disa herë në Këshillin e Sigurimit, Rusia ka pretendua se rasti i Kosovës ka qenë i paprecedatë dhe si i tillë mund të diskutohet edhe interesimi i Rusisë që të ketë ndikimin e saj edhe në Ballkanin Perëndimor dhe ta përdorë Kosovën si precedent për rastin e territoreve të pushtuara të Ukrainës”, ka thënë Gashi në emisionin “InfoNata” në Tëvë1.
