Ramiz Lladrovci ka folur për marrëdhëniet e tij të komplikuara me Sami Lushtakun, gjatë emisionit “Mesditë” në Tëvë1.
Ai ka treguar se edhe pas prishjes raporit me Sami Lushtakun ka pasur përpjekjet për pajtimin e raportit mes tyre pas zgjedhjeve lokale të vitit 2021
“Ne hallin e vetë, në paszgjedhjet lokale 2021, më ka thirrë Hashim Thaçi në telefon edhe mu ka lut me shku e me pajtu me Sami Lushtakun. Kom qef me ju pa bashkë, jemi kanë gjith shokë”, ka thënë Lladrovci.
Megjithatë, sipas tij, përpjekjet nuk kanë pasur sukses pasi që Sami Lushtaku përsëri i ka prishur raportet.
“Na provum mu pajtu, po prap ma kanë ngul thiken në shpinë. Një më 20 nëntor 2022 e kemi pasur një takim bashkë me Asmin, pasi i kemi rregullu raportet. Sa u dakorduam me ta me u bo bashk kur deshëm, tha ‘hajt, se takohemi atje në një ode në Drencië’. Pastaj nuk e bënë, nuk i lanë me ardh në APDK – se nuk e dojnë bashkimin”, ka treguar Lladrovci.
Ai gjithashtu ka komentuar për rregullimin e raportit mes Nuredin dhe Sami Lushtakut.
“Unë jam i lumtur shumë që dy kushërinjtë mes veri, dy luftëtarë të UÇK-së, dy veprimtarë të vjetër, janë prap bashkë. Dhe këtij bashkimi kam kontribuar në njërën anë shumë, sepse gjatë gjithë kohës i kam thënë Nuredinit: duhet mu pajtu”, ka thënë Lladrovci.
Ai ka shtuar edhe një mesazh personal për bashkimin e tyre, duke shpresuar që sami Lushtaku nuk do ja bëjë të njejtë gjë edhe Nuredinit si atij.
“Kjo normal që ua mundëson që me ardh edhe me provu në Drenas. Besoj që nuk kanë me mujt për mu ka rëndësi që ata janë bo bashk. Ishalla unë lutna që Nuredinin nuk ja bonë qysh ma ka bo mu – mu ndreq kur i kryn punë atij e mu prish kur don ai”, ka përfunduar Lladrovci.
