Përmes një postimi në Twitter, ai ka publikuar dy foto të këtij ekipi, një të realizuar pas takimit të sotëm dhe një tjetër të dikurshme.
“Mirënjohës për pritjen e miqve të vjetër për një darkë ribashkimi të “Ekipit të Unitetit” të Kosovës, negociatorë në bisedimet e Vjenës 2006/2007”, shkroi ndër tjerash ai.
Madje, ambasadori theksoi se gjatë takimit kanë kujtuar të kaluarën dhe arritjet e shumta të Kosovës që atëherë.
“Ndërsa kujtuam të kaluarën, udhëheqjen e shkëlqyer të Martti Ahtisaarit dhe arritjet e shumta të Kosovës që atëherë, diskutimet tona u fokusuan në dëshirën tonë të përbashkët që Kosova të realizojë të ardhmen e saj evropiane dhe euroatlantike”, shkroi ndër tjerash ai.
(1/2) Grateful to host old friends for a reunion dinner of Kosovo’s “Unity Team,” negotiators at the 2006/2007 Vienna talks. pic.twitter.com/0HXjIqG1en
— Ambassador Jeff Hovenier (@USAmbKosovo) May 31, 2022
Ndryshe, në takim ishin prezentë Veton Surroi, Skender Hyseni, ish-presidenti Fatmi Sejdiu, Agim Çeku, Enver Hoxhaj, Lutfi Haziri, Ardian Gjini etj.
Hovenier gjatë vitit 1999 kishte qenë pjesë e stafit të të dërguarit special të Organizatës së Kombeve të Bashkuara (OKB), Martti Ahtisaari, si dhe në angazhime të përkohshme në vendet fqinje si Serbi dhe Mal i Zi.
Po ashtu, ai në vitin 1999 ka qenë pjesë e delegacionit të ShBA-së për bisedimet paqësore për çështjen e Kosovës, në Konferencën e Rambujesë, e cila ka filluar punimet më 6 shkurt të atij viti./teve1.info/
