Gjykata Kushtetuese nuk ka dhënë ndonjë datë se kur do të publikohet aktgjykimi lidhur me seancën konstituive.
Nga ky institucion kanë thënë se aktgjykimi i Gjykatës në rastin KO193/25 dhe KO196/25 do të publikohet pasi që të përfundojnë të gjitha procedurat e parashikuara me Ligjin për Gjykatën Kushtetuese dhe me Rregulloren e punës së Gjykatës përkitazi me publikimin e vendimeve.
“Pas finalizimit të tekstit, aktgjykimi do t’u dërgohet të gjitha palëve të përfshira në rast, do të publikohet në ueb-faqen e Gjykatës dhe i njëjti do të dërgohet për publikim edhe në Gazetën Zyrtare”, thuhet në përgjigjen e kësaj gjykate për Tëvë1.
Gjykata Kushtuese më 8 gusht ka lëshuar njoftim lidhur me seancën konstituive, pas përfundimit të masës së përkohshme, ku deputetët nuk kishin arritur ta konstituojnë Kuvendit brenda afatit 30 ditor e që ka përfunduar më 26 korrik.
Në aktgjykimin e fundit Kushtetuesja i ka shpallur jokushtetuese ka dhënë afat 30 ditë për konstituimin e Kuvendit. Poashtu ka vendosur që votimi për kryeparlametar të bëhet i hapur dhe se një kandidat për kryetar të Kuvendit nuk mund të propozohet më shumë se tri herë.
Seanca e radhës konstituive nuk mund të thirret pa publikimin e plotë në gazetën zyrtare të aktgjykimit.
