Aksidenti i rëndë në rrugën Prishtinë-Pejë, pranë Komoranit ka shkaktuar bllokim të trafikut, duke krijuar një kolonë prej rreth 5 kilometrash. Dy orë pas ngjarjes, automjetet ende nuk janë larguar nga vendi i aksidentit.
Ngjarja, e ndodhur më 11 gusht 2025, përfshiu gjashtë automjete dhe shkaktoi disa persona të lënduar. Policia e Kosovës konfirmoi aksidentin dhe njoftoi se njësitë policore, së bashku me ekipet e Emergjencës Mjekësore dhe Zjarrfikësve, kanë ndërhyrë menjëherë për të ofruar ndihmën dhe për të menaxhuar situatën.
Zëdhënësi i Policisë, Daut Hoxha, tha për Tëvë1 se hetimet për të sqaruar rrethanat e aksidentit janë në vazhdim, ndërkohë që po punohet për të lehtësuar trafikun në këtë segment rrugor.
Policia i bën apel drejtuesve të automjeteve që të tregojnë kujdes maksimal për të shmangur incidente të tjera në këtë zonë.
