Një aksident rrugor është regjistruar në aksin që të çon drejt fshatit te Zvernecit.
Tre automjete janë përfshirë në përplasjen e ndodhur, ndërsa dy persona, mes tyre edhe një fëmijë, që udhëtonin në automjetin e parë me targa italiane, janë dërguar me urgjencë në spitalin rajonal të Vlorës.
Policia ka mbërritur menjëherë në vendngjarje dhe ka nisur hetimet për të zbardhur shkaqet e aksidentit.
Sipas informacioneve të para, dy prej të plagosurve ndodhen nën kujdesin e mjekëve, ndërsa në të tre automjetet e përfshira janë shkaktuar dëme materiale./TopChannel
