Rafet Llapashtica nga Organizata e Veteranëve të UÇK-së, duke folur për protestën e sotme kundër Gjykatës Speciale ka thënë se ka qenë një mesazh i fuqishëm ndaj kësaj gjykate.
Ai ka thënë se nëse protestat nuk kanë ndikim, shteti i Kosovës është dashur të lobojë të miqtë ndërkombëtarë që kur është themeluar kjo gjykatë dhe kur kanë filluar arrestimet.
“Nëse nuk mundemi me ndikua me protesta, obligim e ka pas Republika e Kosovës, Ministria e Punëve të Jashtme, ambasadorët që nga themelimi, arrestimet e deri të identifikimi i keqpërdorimit të materialeve me lobu të miqtë tanë. Na nuk kërkojmë më shumë se drejtësi, por nuk kemi më pranua më pak se drejtës”, ka thënë ai në emisionin “Këndi i Debatit” në Tëvë1.
Ai ka mohuar se protesta është organizuar për qëllime politike.
“Ka qenë qëndrim i prere i kryesisë së organizatës që kjo protestë nuk është politike dhe s’ka me ju dhënë fjala asnjë përfaqësuesi politik, tha ai.
Mijëra qytetarë erdhën nga të gjitha trojet shqiptare të enjten në Prishtinë për të kundërshtuar Gjykatën Speciale.
Aty u tha se kjo gjykatë ka devijuar nga misioni i saj.
