Konsulenti Xhevdet Pozhari ka thënë se protesta e sotme e organizuar nga OVL-UÇK kundër Gjykatës Speciale në të cilën morën pjesë mijëra qytetarë ka thënë se ishte mllef ndaj “tradhti e besimit”.
Pozhari është shprehur se nga kjo protestë do të donte të shihte fatin i ish-krerëve të UÇK-së si diçka të përbashkët.
Sipas tij, uniteti i treguar në këtë protestë do duhej të ishte edhe në sfidat tjera që presin vendin.
“Është një protestë që duhet të na kujtojë të gjithëve se historia jonë është e përbashkët dhe duhet të kemi mjeshtërinë që sot në momentin në të cilën ndodhemi jo vetëm ata që po gjykohen padrejtësisht, por edhe si shtet, kaq unik do duhej të ishim edhe përballë proceseve dhe sfidave që e presin vendin tonë. Protestën e shoh si mllef ndaj asaj që më të drejtë quhet si ‘tradhti e besimit’.Unë do doja që njerëzit ta shihnin këtë protestë, fatin e ish-krerëve të UÇK-së, si diçka të përbashkët. Nuk do doja që populli të partizohej”, ka thënë Pozhari në emisionin “Këndi i Debatit” në Tëvë1.
Sot në Prishtinë është mbajtur protesta kundër Gjykatës Speciale.
Aty u tha se kjo gjykatë ka ndryshuar misionin e saj, ndërsa që lufta e UÇK-së ishte e pastër.
