Punëtori A.A., është dënuar me 30% ulje të pagës mujore për pesë muaj rresht, kjo pasi është kapur duke fjetur në vendin e punës, konkretisht në Minierën e “Trepës”.
Sipas njoftimit, më 6 gusht është mbajtur një shqyrtim publik nga Komisioni Disiplinor, ku është konstatuar se punëtori në fjalë ka kryer një shkelje të rëndë të detyrave të punës, “në përputhje me Rregulloren për Përgjegjësinë Disiplinore dhe Materiale të punëtorëve të Trepça Sh.A”.
Ndërmarrja ka bërë të ditur se ky dënim është në përputhje të plotë me rregulloren në fuqi dhe synon të ruajë disiplinën dhe përgjegjësinë në vendin e punës.
