E dërguara speciale e Mbretërisë së Bashkuar për Ballkanin Perëndimor, Dame Karen Pierce, ka zhvilluar një bisedë telefonike me kryeministrin në detyrë të Kosovës, Albin Kurti, për të diskutuar zhvillimet e fundit dhe tensionet mes Kosovës dhe Serbisë.
Gjatë bisedës, Dame Karen shprehu shqetësimin e saj për situatën aktuale dhe theksoi rëndësinë e vazhdimit të dialogut të lehtësuar nga Bashkimi Evropian, si mënyrën e vetme për të arritur paqe dhe stabilitet afatgjatë në rajon.
Ajo ritheksoi mbështetjen e Mbretërisë së Bashkuar për një zgjidhje paqësore të çështjeve të hapura, përmes dialogut dhe bashkëpunimit rajonal.
Dame Karen gjithashtu theksoi se Mbretëria e Bashkuar pret me kënaqësi pjesëmarrjen e përfaqësuesve të Kosovës në takimet e Procesit të Berlinit, që pritet të mbahen në tetor në Londër.
Sipas Ambasadës Britanike, ajo do të zhvillojë edhe një bisedë të veçantë me presidentin e Serbisë, në kuadër të angazhimeve të saj për uljen e tensioneve dhe forcimin e bashkëpunimit në rajon.
Postimi i plotë:
