Matja e shpejtësisë së pjesëmarrësve në trafik bëhet kryesisht në këtë formë.
Zyrtarët policor kanë gjithashtu në përdorim edhe pajisje inteligjente për evidentimin e shkelësve në trafik.
Mirëpo, kjo duket se nuk është mjaftueshëm efektive, andaj po kërkohet vendosja e radarëve statik.
“Tash e dhjet vite flasim për këtë temë. Inteligjenca artificiale është te radarët mobilë dhe statikë, kemi radar statikë kur rrin në formë permanente por edhe radarë mobilë vendoset në automobilë, kapet në pajisje elastike, në shtyllat e dritave e kështu me radhë, dmth maskohet që qytetari mos te din ku e pret radari edhe njëkohësisht ai të vetdijësohet dhe në raport me këtë edhe sa i përket aksidenteve në komunikacion”, ka thënë Ahmeti.
Ahmeti thekson se kjo do t’ua lehtësonte edhe punën zyrtarë policor.
“Njëkohësisht e lehtëson edhe punën e zyrtarëve policorë, njëkohësisht Policia e Kosovës më nuk do të mund të selektojë ta gjobisë kë don, njëkohësisht atëherë do të vlejë ligji në komunikacion për secilin qoftë për mu edhe qoftë për ata tjertë sidomos ata që shkelin rendin e ligjin e nuk do të ketë favore”, u shpreh Ahmeti.
Megjithatë, profesori i komunikacionit, Naser Lajçi, e vë në dyshim efektivitetin e radarëve statik.
“Mirëpo në fazën fillestare ndoshta ka me pasë efekt por më vonë sigurisht se efekti i tyre ka me qenë më i vogël, kjo është njëjëtë sikur shoferët kur e informojnë njëri tjetrin përmes amplimimit të dritave, që e paralajmërojnë. Kështu që e dihet se është stacionare me qëndru gjithmonë ndoshta qat muajin e parë ka me pasë atë efekt më të madh kurse muajt tjerë mendoj se efekti do të jetë më i vogël sepse secili prej tyre do ta dij ku është ai vend”, ka thënë Lajçi
Tëvë1 ka dërguar pyetje edhe në Ministrinë e Infrastrukturës se kur pritet të vendosen këta lloj radarësh, por që deri në publikim të kronikës nuk kanë kthyer përgjigje.
