Arifi thotë se në emër të çkapjes, në OSHP ka një kapje apo ndërrim sipas tij, varësisht se kush e ka të kapur pushtetin.
Sipas tij, kjo praktikë e keqe përveç që është duke u përdorur, kjo mund të lë pasoja edhe në të ardhmen.
“Kjo mënyrë e tentimit të zgjedhjes së anëtarit të bordit të OSHP-së, jep këtë mesazh, nuk e dimë ndoshta qeveritarët kanë ndonjë shpjegim tjetër, mirëpo të gjitha faktet dhe analizat çojnë në këtë drejtim. Pra në emër të çkapjes, kemi një kapje ose ndërrim varësisht se kush e ka të kapur pushtetin. Kjo praktikë e keqe përveç që është duke u përdorur kjo mund të lë pasoja edhe në të ardhmen që një qeveri nesër hap konkurs dhe kushtimisht ta përziejë me konkurs pak prej shtëpisë. Nesër mund të sjell direkt kandidatët që fare nuk janë futur në procedurat e prokurimit”, tha Arifi në emisionin “Info Nata” në Tëvë1.
Arifi potencoi se Qeveria Kurti ka bërë njëjtë edhe me anëtarët e mbetur të Komisionit Rregullativ të Prokurimit Publik.
“Kjo qeveri ka bërë njëjtë edhe me anëtarët e mbetur të Komisionit Rregullativ të prokurimit publik. Dy anëtarë i ka propozuar, vetëm kur i kemi parë të propozuar në kuvend dhe kuvendi i voton sepse shumicën kjo qeveri e ka atje”, tha më tej ai. /teve1.info/
