Ylli botëror i muzikës, këngëtarja me prejardhje nga Kosova, Dua Lipa sot ka marrë shtetësinë e Republikës së Kosovës.
Dekreti i është ndarë nga presidentja Vjosa Osmani i cila ka thënë se ky ishte një nder i veçantë.
“Nder i veçantë që sot, me dekret presidencial, t’ia jap shtetësinë e Republikës së Kosovës, Dua Lipës, një prej personaliteteve më të rëndësishme kulturore dhe artistike në historinë e vendit tonë. Dua dhe Kosova kanë qenë gjithmonë të pandashme. Ajo ka qenë dhe vazhdon të jetë një nga zërat më të fuqishëm në skenat më të mëdha të botës, duke bërë histori me të arriturat e saj dhe duke u shndërruar në inspirim për miliona njerëz anekënd globit. Mirënjohja jonë është e pafund për gjithçka që Dua ka bërë dhe vazhdon të bëjë për Kosovën, për rininë tonë, për artin tonë dhe për imazhin ndërkombëtar të vendit tonë. Dua, Kosova është gjithmonë krenare me ty!”, ka shkruar Osmani.
Në këtë ceremoni ishte edhe ambasadori i Britanisë së Madhe në Kosovë.
