Autor: Adea Mustafaj
Nëna dhe motra e dy binjakëve që mbetën të vrarë në shtatorin e vitit 1998, erdhën nga Prizreni në Prishtinë, për të marrë pjesë në shpalljen e aktgjykimit.
Pleskoviq, për to do të duhej të dënohej me burgim të përjetshëm.
“M’i ka vrarë dy djem Milloshi, nga 29 vjet i kanë pasur. 15 vjet kurgjë nuk janë, janë shumë pak, ai duhet të dënohet përjetë”, tha nëna e viktimave.
“Ai i ka njoft vëlllezrit e mijë. Ai po paraqitet që si ka njoft. Në mahall tonë jon konë ata. Ai Millosh është. Pak është dënimi. Shumë pak. Ai mi ka masakru vëllezërit. As në shtëpi nuk kanë ardh. Nuk është ai veç që i ka mbyt vëllezërit e mi, ai i ka mbyt krejt të Prizrenit çka kanë qenë. Krejt nënat po qajnë”, u shpreh Ganimete Daçaj, motra e të vrarëve.
Nën emocione, Daçaj kishte disa fjalë edhe për nënën e të pandehurit, e cila morri pjesë në seancë.
“Ajo e dinë kush është. Ajo e di shumë mirë se kojshi e kom pas. Ajo e dinë që na ka mbyt vellezërit e mijë. Se nuk është e mundur që mos me I tregu djali nënës. Ajo po e din”, thotë ajo.
Me vendimin, ishin të pakënaqur edhe avokatët e familjes.
“Hera e parë në Kosovë po gjykohet një njeri është përflitë drejtpërdrejt në krime. Na kemi pa gjykime të zyrtarëve, drejtorëve që kanë punu për Serbin, amo është hera e parë po gjykohet një njeri pjestar i Akanoviqit, i ‘beretave të kuqe’ që kanë bërë krim. Dhe u dënua me ligj të Jugosllavisë. Kjo është diskriminim për neve, familjen, për viktimat e luftës, për gjithë shqiptarët.”, tha Gent Gjini avokat.
Dënimi me 15 vite burgim, është dënimi maksimal për krime lufte që mund të shqiptohet nga Gjykatat në Kosovë.
Kjo për shkak se në këto raste, merret përbazë Kodi Penal i kohës kur është kryer vepra penale.
