Tom Cruise dhe Ana de Armas duket se kanë bërë publike romancën e tyre, pasi u panë këtë javë duke shijuar një shëtitje romantike dorë për dore në Vermont, SHBA.
63-vjeçari, ylli i “Top Gun”, dhe aktorja 37-vjeçare e filmit “Blonde” kanë qenë prej muajsh në qendër të thashethemeve për një lidhje, por pamjet e fundit në fshatin piktoresk Woodstock duket se e konfirmojnë marrëdhënien e tyre.
Çifti ecte ngadalë përgjatë një rruge të rrethuar me pemë, të shoqëruar edhe nga disa miq, ndërsa Cruise nuk ia lëshonte dorën Anës.
Vetë Tom tregonte formën e tij të mirëmbajtur me një bluzë të ngushtë, xhinse të errëta dhe një kapele bejsbolli, ndërsa Ana u shfaq me një stil minimalist dhe elegant – një bluzë të bardhë të thjeshtë, të kombinuar me pantallona të zeza model “cigarette”.
Vetëm pak ditë më parë, dyshja ishte parë në Londër, ku udhëtuan me helikopterin privat të Cruise dhe kaluan një mbrëmje së bashku në koncertin e Oasis në Wembley.
Me sa duket, vera për çiftin e ri po shënon një kapitull të veçantë në marrëdhënien e tyre
