Një kolon izraelit ka qëlluar dhe vrarë aktivistin dhe mësuesin palestinez, Awdah Hathaleen në një fshat pranë Hebronit në Bregun Perëndimor të pushtuar, thanë zyrtarët vendas dhe gazetarët.
Hathaleen ishte i njohur për aktivizmin e tij, duke përfshirë ndihmën ndaj krijuesve të filmit fitues të çmimit Oscar, “No Other Land”, i cili dokumenton sulmet e kolonëve dhe ushtarëve izraelitë ndaj komunitetit palestinez të Masafer Yatta.
Ai “u qëllua për vdekje nga kolonët… gjatë sulmit të tyre në fshatin Umm al-Khair”, në Masafer Yatta, shkroi në mediat sociale Ministria e Arsimit e Autoritetit Palestinez vonë të hënën.
Dy regjisorët e filmit “No Other Land” – gazetari izraelit Yuval Abraham dhe gazetari palestinez Basel Adra – konfirmuan gjithashtu se aktivisti u qëllua dhe u vra.
Abrahami postoi gjithashtu një video të incidentit dhe tha se “banorët identifikuan Yinon Levin, të sanksionuar nga BE dhe SHBA, si autorin e të shtënave”./teve1/
An Israeli settler just shot Odeh Hadalin in the lungs, a remarkable activist who helped us film No Other Land in Masafer Yatta. Residents identified Yinon Levi, sanctioned by the EU and US, as the shooter. This is him in the video firing like crazy. pic.twitter.com/xH1Uo6L1wN
— Yuval Abraham יובל אברהם (@yuval_abraham) July 28, 2025
