Kryeministri britanik, Keir Starmer do të mbajë të martën një takim urgjent të kabinetit për të diskutuar situatën në Gaza dhe një plan të propozuar paqeje, ndërsa përballet me presion në rritje brenda Partisë Laburiste për të njohur një shtet palestinez.
Mbretëria e Bashkuar po harton planin në bashkëpunim me Francën dhe Gjermaninë, pas një telefonate mes udhëheqësve të tre vendeve javën e kaluar.
Edhe pse Starmer nuk ka bërë publike hollësi të planit, ai e ka krahasuar atë me një “koalicion të të vullnetshmëve”, duke iu referuar mbështetjes ndërkombëtare për Ukrainën në rast të një armëpushimi me Rusinë, raporton Al Jazeera.
Ndërkohë që paralajmërimet për urinë në Gaza po shtohen, një numër gjithnjë në rritje i ligjvënësve laburistë po kërkojnë që qeveria britanike të njohë zyrtarisht një shtet palestinez si mënyrë për të ushtruar presion ndaj Izraelit dhe për të nxitur një zgjidhje politike.
Çështja ka marrë më shumë vëmendje pasi presidenti francez, Emmanuel Macron deklaroi se Franca do ta njohë Palestinën si shtet./teve1/
