Zyra Qeveritare për Media ka deklaruar se një mungesë ekstreme e formulës për foshnje mund të shkaktojë vdekjen e ngadaltë të dhjetëra mijëra foshnjave të kequshqyera.
“Ka mbi 40,000 foshnje nën një vjeç në Gaza që aktualisht janë në rrezik vdekjeje të ngadaltë për shkak të kësaj bllokade brutale dhe mbytëse”, tha zyra, duke akuzuar Izraelin për bllokimin e hyrjes së produktit për 150 ditë.
“Ne kërkojmë urgjentisht hapjen e menjëhershme dhe pa kushte të të gjitha kalimeve dhe hyrjen e shpejtë të formulës për foshnje dhe ndihmës humanitare”, vazhdoi zyra.
Në ditët e fundit, të paktën dy fëmijë, përfshirë një pesëmuajsh, kanë vdekur nga shkaqe të lidhura me urinë në Gaza, duke e çuar numrin e vdekjeve nga uria në 133./teve1/
