Gjykata Themelore në Prishtinë ka dënuar me burgim tre nga katër të akuzuarit për sulmin terrorist në zyrat e KKZ-së në dhjetor të vitit 2022 në Mitrovicë të Veriut.
Millun Milenkoviq dhe Aleksander Vlajiq janë dënuar me nga 5 vite burgim për veprën penale te terrorizmit
Dejan Pantiq është dënuar me 2 vite burgim për pjesëmarrje në terrorizëm, ndërsa Miomir Vakiq është liruar nga akuza, raporton Tëvë1.
Të akuzuarit, nuk kanë marrë pjesë në seancën ku është shpallur aktgjykimi, meqë kanë kërkuar të mos jenë të pranishëm.
Bazuar në aktakuzën e Prokurorisë Speciale, më 6 dhjetor të 2022-tës është kryer sulm terrorist ndaj zyrave të KKZ-së në Mitrovicë të Veriut dhe një autoambulancë është përdorur për bartjen e granatave të dorës.
Sipas aktakuzës, granatat i ka marrë i akuzuari Milun Milenkoviq, i cili gjatë paraqitjes së fjalës përfundimtare të tij i ka mohuar akuzat.
Ndërkaq, Aleksandar Vllajiq, Dejan Pantiq dhe Miomir Vakiq janë të akuzuar se kanë hedhur granata dore dhe shok bomba me qëllim të detyrimit të organeve publike të Kosovës për t’u tërhequr nga organizimi i zgjedhjeve në veriun e banuar kryesisht me serbë.
Të akuzuarit dhe avokatët e tyre në fjalët përfundimtare kanë akuzuar Prokurorinë për aktakuzë të pabazuar në prova.
