Artan Alijaj ekspert i proceseve politike është shprehur skeptik për një marrëveshje ndërmjet Lëvizjes Vetëvendosje dhe Nismës.
Ai ka thënë se dy partitë nuk kanë lëvizur nga qëndrimet e tyre dhe se duhet të ketë kompromise nga të dyja palët.
“Në bazë të këtyre deklaratave shihet se ata nuk janë afër marrëveshjes. Shihet që ka edhe pak mosbesim. Pozicionet janë të njëjtë që nga fillimi. Kërkohet kompromis nga të dyja palët”, ka thënë ai në emisionin “InfoNata”.
Alijaj duke folur për kërkesën e Nismës që të ketë siguri edhe për votat për formimin e Qeverisë, ka thënë se këtë VV nuk mund t’ia jep, sepse nuk i ka.
“Vetëvendosje nuk i ka votat për qeverinë. Pretendohet nga LVV se pas konstituimit të Kuvendit të ketë bisedime të tjera dhe të ketë deputetë të ri që do ta votonin qeverinë, mirëpo sa është reale ajo nuk e di. Në bazë të matematikës së thjeshtë nuk i kanë votat dhe në bazë të asaj cfarë dëgjaum nuk pritet të ketë të re asgjë as nesër”, ka thënë ai.
