Një person është shoqëruar në stacionin policor në Vushtrri, të mërkurën rreth orës 11:30, pasi dyshohet se ka kanosur një gjyqtar pas përfundimit të një seance gjyqësore.
Rasti ka ndodhur në rrugën “Skënderbeu”, në afërsi të Gjykatës Themelore në këtë qytet.
“Është shoqëruar në stacionin policor i dyshuari mashkull kosovar, pasi që i njëjti në Gjykatën Themelore pas përfundimit të seancës gjyqësore, kishte kanosur viktimën mashkull kosovar, gjyqtar,” thuhet në raportin 24-orësh të Policisë së Kosovës.
Pas intervistimit, me vendim të prokurorit, rasti është proceduar në procedurë të rregullt, ndërkohë që hetimet lidhur me ngjarjen janë duke vazhduar.
