Një përleshje fizike mes tre personave ka ndodhur mbrëmjen e 23 korrikut në Rrethin e Flamurit në Prishtinë, ku si pasojë një person ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).
Sipas raportit 24-orësh të Policisë, në këtë incident kanë qenë të përfshirë një shtetas i Kosovës dhe dy shtetas të Maqedonisë së Veriut.
“Raportohet se tre të dyshuar meshkuj, një kosovar dhe dy shtetas të Maqedonisë së Veriut, janë përleshur fizikisht në mes vete. Si pasojë, njëri prej tyre ka pësuar lëndime trupore dhe është dërguar për tretman mjekësor në QKUK,” thuhet në njoftimin e Policisë.
Me vendim të prokurorit, shtetasi kosovar është arrestuar dhe pas intervistimit është dërguar në mbajtje, ndërsa dy të dyshuarit tjerë janë liruar në procedurë të rregullt.
Policia është duke hetuar rrethanat e kësaj ngjarjeje
