Deputeti i PDK-së, Jakup Nura, ka komentuar vendimin e Gjykatës Kushtetuese para seancës së 51-të për konstituimin e Kuvendit, duke e cilësuar atë si të vonuar dhe pa efekt real në zhvillimet aktuale politike.
“Çdo gjë tashmë është e vonuar, i ka humbur kuptimi. Jemi bërë me të vërtetë një dramë e padurueshme, edhe për ne si deputetë që hymë e dalim”, ka deklaruar Nura.
Ai ka theksuar se deputetët janë duke pritur sqarime të qarta nga Gjykata Kushtetuese për hapat e mëtejmë që duhet të ndërmerren në këtë situatë të pazakontë politike.
“Ne i presim vendimet gjithmonë. Është siç thotë populli – kur s’ka shi, bënë edhe breshër, sesa hiq. Kështu që, ne presim vendimin e Kushtetueses për të na sqaruar se çfarë duhet të bëjmë më tej”, ka shtuar ai.
