Banori i fshatit të Banjskës, Rade Nedelkoviq ka treguar se si i ka dëgjuar sulmet në këtë fshat. Pasi që ai që 60 vite jeton në Banjska dhe ka punuar në hotelin Ranjska si roje.
“Qe 60 vite jetoj në Banjska. Kam punuar në hotelin Ranjska Banjska, si roje. Kam dalë rreth 50 herë jashtë, është dëgjuar zhurmë e madhe. Kam dëgjuar gjuajtje me armë. Të gjithë banuesit në hotel, ata të gjithë kanë zbritur poshtë tek unë. E unë është dashur të kujdesem për ta, pasi afroheshin tek dritaret, unë u thosha të largoheshin tek dritaret pasi mund t’i gjuajë dikush”, ka thënë ai.
Dëshmitari i këtij rasti ka thënë se disa persona të armatosur kanë hyrë brenda në hotel me një person të plagosur, i cili sipas tij nuk ka parë ndonjë emblemë tek ata.
“Ata kanë hyrë te dera e dytë, jo te dera kryesore. Unë kam qenë i detyruar t’i lë se kanë qenë të armatosur, s’kam guxua me i thanë jo”, ka shtuar ai.
Tutje, Nedelkoviq ka thënë se nuk ka pasur njohuri se çfarë ka ndodhur me personin e plagosur.
Madje, ai thotë se nuk i njeh personat e armatosur pasi që ata kanë qenë të maskuar.
“Kanë mbetur që të flejë në një dhomë. Unë të nesërmen kam shkuar në shtëpi dhe nuk e di se çka ka ndodhur me të. Prej hotelit deri te manastiri, kanë shkuar në këmbë. Nuk e di se kush janë ata, sepse kanë pasur maska. Me të vërtetë, nuk i kam njohur asnjë prej tyre”, përfundoi ai./teve1.info
