Përmes një postimi në Facebook, Kurti ka deklaruar se një vit pasi kanë nënshkruar kontratën me “Pfizer” për furnizim me vaksina anti-COVID’19, rezultatet janë të dukme pasi që është shkalla më e lartë e të vaksinuarve në rajon.
“Si sot para një viti Qeveria e nënshkroi kontratën për sigurimin e vaksinave. Për vetëm dy muaj, negociuam dhe lidhëm kontratë drejtpërsëdrejti me prodhuesin Pfizer, kontraktuam vaksina të miratuara edhe nga rregullatori evropian, edhe ai amerikan. Ky furnizim dhe donacionet nga shtetet mike, ndërtuan bazën për një proces shembullor të vaksinimit. Rezultatet janë të dukshme. Sipas statistikave, kemi shkallën më të lartë të të vaksinuarve dhe shkallën më të ulët të humbjeve të jetës në gjithë rajonin. Edhe numri i rasteve aktive ka rënë në dyshifror”, shkroi ndër tjerash ai.
Por, ai bëri thirrje që të vazhdohet me vaksinimin anti-COVID në mënyrë që të mbetet situata e njëjtë.
“Mirëpo, për të vazhduar mbajtjen e kësaj situate, duhet edhe ne të vazhdojmë të vaksinohemi, edhe me dy dozat e para, edhe me dozën përforcuese tre muaj më vonë. Vaksinimi sa më i gjerë, mbetet arma jonë më e fortë për të mbrojtur vetveten dhe njëri-tjetrin”, shkroi ai./teve1.info/
