Pas disa ditësh heshtjeje, këngëtarja e njohur shqiptare Dafina Zeqiri ka ndarë emocionet e saj të para pas ardhjes në jetë të djalit të saj, Daskan.
Në një postim të ndjerë në rrjetet sociale, ajo ka falënderuar fansat, miqtë dhe familjarët për dashurinë dhe mbështetjen që i kanë dhënë në këtë moment të veçantë të jetës së saj.
Dafina dhe partneri i saj, Kreshnik Gjergji, janë bërë prindër për herë të parë, ndërsa emri i veçantë i djalit, Daskan, ka ngjallur kureshtje dhe pëlqim për origjinalitetin dhe ndjeshmërinë që mbartë.
“Faleminderit prej zemrës. Ju falenderoj krejt juve për dashninë e madhe e mirëseardhjen që ia keni bo djalit tonë Daskan Gjergji në këtë botë. Me u bo nane osht si me bo update n’krejt jeten – shpirt, trup, zemër, karrierë… gjithçka ndjehet ma ndryshe, ma thellë. Jam super e emocionume për gjithçka që po vjen. Nder e respekt për krejt nanat që sakrifikojnë gjithçka. Ju jeni superheroina e kësaj bote. Edhe për baballarët që qëndrojnë para grave të tyne si mbështetja ma e madhe – ju përulem. Burrit tem, faleminderit që je shkëmbi jem. E di që ki me qenë shembulli ma i mirë për djalin tonë. Ju du krejtve shumë. Le ta nisim këtë kapitull të ri bashkë”, ka shkruar ajo.
Reagimi i këngëtares është pritur me përgëzime të shumta nga ndjekësit dhe kolegët e saj artistë, të cilët i kanë uruar mirëseardhje Daskanit dhe forcë çiftit në këtë rrugëtim të ri si prindër.
