Dafina Zeqiri dhe Kreshnik Gjergji u bënë prindër të një djali disa ditë më parë.
Dyshja zgjodhën një emër mjaft të veçantë për vogëlushin, duke e quajtur Daskan.
Së fundmi, përmes një komenti, Kreshniku ka zbuluar kuptimin e këtij emri.
Sipas tij, Daskan është një emër me rrënjë ilire.
”Daskan – Emër me rrënjë ilire, që mbart forcën e burrërisë, nderit dhe udhëheqjes. Një emër që tingëllon lashtësi, si zëri i një prijësi fisnor. Daskan është emër, është krenari, është gjak ilir.” ka shkruar ai në Instagram.
Dafina dhe Kreshniku janë prej kohësh në një lidhje romantike që ka qenë vazhdimisht në qendër të vëmendjes.
Dyshja zbuluan në janar se janë në pritje të një djali. Vetëm prej pak kohësh, Dafina është shkëputur nga koncertet për t’iu dedikuar familjes, por megjithatë ajo ka qenë prezente përmes këngëve të reja.
