Gjashtë persona, në mesin e të cilëve tre të mitur kanë pësuar lëndime trupore pasi kanë rënë nga luhatësja e cila është prishur.
Sipas raportit 24-orësh të Policisë, rasti ka ndodhur të shtunën, në një kënd lojërash në rrugën “Fatmir Dobra” në Skenderaj.
Të lënduarit janë dërguar fillimisht në Qendrën emergjente në Skenderaj e më pas, tre prej tyre janë dërguar në Spitalin e Mitrovicës.
Ndërkaq, lidhur me rastin janë intervistuar si të dyshuar pronari dhe punëtori i lojërave, të cilët me vendim të prokurorit janë liruar në procedurë të rregullt.
“Raportohet se gjashtë persona, pesë femra dhe një mashkull kosovar/e, tre të mitur, kanë pësuar lëndime trupore pasi që është prishur luhaja dhe janë rrezuar. Të lënduarit janë dërguar fillimisht në Qendrën emergjente në Skenderaj e me pas tre prej tyre janë dërguar në Spitalin e Mitrovicës. Lidhur me rastin, janë intervistuar dy të dyshuar m/k, pronari dhe punëtori i lojërave dhe e me pas me vendim të prokurorit janë liruar në procedurë të rregullt”, thuhet në raportin e Policisë./teve1.info/
