Deputetja e Nismës Socialdemokrate të Kosovës, Arbëreshë Krasniqi, është e shprehur e sigurt që nëse kryetari i kësaj partie Fatmir Limaj propozohet nga Vetëvendosje për kryetar të Kuvendit do t’i siguronte votat.
Ajo ka thënë se nëse ndodh kjo konstituimi i Kuvendit do të mund të ndodhte të hënën.
Duke folur për mundësinë e një marrëveshje në takimin ndërmjet Kuritit dhe Limajt që pritet të mbahet të shtunën, ajo ka thënë se i vetmi opsion që kjo parti mund të ofrojë për tu arritur një marrëveshje është që Limaj të jetë kryetar i Kuvendit.
“Nisma nuk ka opsion tjetër për me arrit deri të marrëveshja. I vetmi opsion që Nisma mund ta krijojë këtë marrëveshje politike është që Fatmir Limaj të jetë kryetar i Kuvendit të Kosovës. Jam i bindur e sigurt që nëse Limaj do të jetë i propozuar për kryetar të Kuvendnit , ai do t’i merr votat e mjaftueshme dhe do të kemi Kuvendi të konstituar. Do të merr vota më shumë se minimalja që kërkohet”, ka thënë ajo në emisionin “InfoNata” në Tëvë1.
Duke folur për deklarimet e kryeministrit në detyrë dhe kryetarit të LVV-së, Albin Kurti dhe zyrtarëve tjerë nga kjo parti, se Nismës nuk mund t’i jepet posti i kryeparlamentarit me tre deputetë, ajo ka thënë se një qasje e tillë është joserioze, por si dikush që ua ka shtrirë dorën e bashkëpunimit.
“Limaj nuk mund të trajtohet nga VV si një subjekt që ka vetë tre deputetë, por si një personalitet që i vetmi i ka zgjatur dorën Kurtit për bashkëpunim dhe mendoj se nuk është serioze nga LVV të trajtohet ndryshe. Nuk duhet parë si numra, por si mundësi, bashkëpunim”, ka thënë ajo.
Ajo ka thënë se beson që një takim Kurti –Limaj të përfundojë me një marrëveshje. Prtije të ngjashme kanë edhe nga LVV-ja.
