Inspektorati Policor i Kosovës (IPK) ka inauguruar sot zyrat e reja në Mitrovicën e Veriut, konkretisht në lagjen e Boshnjakëve, në rrugën “Çlirimi”, në objektin e Ministrisë së Punëve të Brendshme.
Në ceremoninë e përurimit morën pjesë Ministri i Punëve të Brendshme, Xhelal Sveçla, Kryeshefi i IPK-së, Kushtrim Hodaj, Kryetari i Komunës së Mitrovicës së Jugut, Erden Atiq, si dhe zyrtarë të tjerë nga IPK, Agjencia për Regjistrim Civil (ARC) dhe Policia e Kosovës.
Gjatë fjalimeve, përfaqësuesit institucionalë theksuan rëndësinë e hapjes së zyrave të reja për përmirësimin e shërbimeve, rritjen e efikasitetit të IPK-së dhe forcimin e besimit të qytetarëve në sundimin e ligjit në Kosovë. Kryeshefi Hodaj falënderoi MPB-në dhe ARC-në për mbështetjen e dhënë në realizimin e këtij projekti.
Ministri Sveçla, ndër të tjera, vlerësoi se ky hap kontribuon në forcimin e rendit dhe ligjit në Mitrovicën e Veriut, si dhe në ngritjen e integritetit dhe besueshmërisë së Policisë së Kosovës.
Zyrat e mëparshme të IPK-së ndodheshin në një objekt me qira në rrugën “Mbreti Peter”, të cilat ishin funksionale që nga viti 2015.
Zyrat e reja do të jenë të hapura për qytetarët nga e hëna deri të premten, prej orës 08:00 deri në 16:00.
Komunikata:
