Zijadin Sela ka thënë se hyrja në koalicion e Aleancës për Shqiptarët me BDI-në e Ali Ahmetit nuk është humbje e filozofisë së “Arbën Xhaferit”.
Ai ka përmendur dy arsyet pse e ka bërë një koalicion të tillë. E para sipas tij pamundësia për tu certifikuar në zgjedhje për shkak të kontestit për partinë dhe e dyta ka thënë se mospjesëmarrja në zgjedhje do të thoshte dorëzim e kjo sipas tij do t’i gëzonte të gjithë kundërshtarët politik.
“Po ju thamë shkurt e shqip për shkak se ka pas vetëm dy zgjidhje. Një mos të marr fare pjesë në zgjedhje, sepse për të marrë pjesë në zgjedhje duhet të kesh vulat e partisë, kontekst që sot e kësaj dite ekziston. Tjetra, në betejat më të mëdha në drejtim të sterkamzave politike dhe betejave tjera që ka pas me bllokun politik maqedonas dhe unë nuk mundesha të dorëzohesha aq lehtë, të gjithë kundërshtarët e mi politik do të gëzoheshin që ia arritën qëllimit”, ka thënë Sela.
