Emisari i Shteteve të Bashkuara të Amerikës, Richard Grenell, e ka akuzuar presidenten Vjosa Osmani, se i ka manipuluar fjalët e presidentit Donald Trump “për një përshkallëzim për Kosovën”
Për këtë, presidentja e Kosovës, Vjosa Osmani në një konferencë për media pas vizitës së saj në ShBA ka thënë se deklarata e saj ka qenë mënyra se si e ka kuptuar ajo.
Derisa, ajo ka mohuar se ka interpretuar deklaratat e presidentit Trump, duke e falënderuar Trumpin për rolin e tij në botë dhe rajon për ruajtjen e paqes dhe sigurisë.
Tutje, e para e shtetit ka thënë se kufijtë e Kosovës ruhen me prezencën ushtarake amerikane, duke shtuar se kontributi i Kosovës të jetë për paqe, siguri dhe zhvillim.
“Këto janë çështje të brendshme të institucioneve të ShBA-së, pra nuk dua ta komentoj fare, sa i përket asaj që kam deklaruar gjatë vizitës sime në ShBA, unë e kam falënderuar presidentin Trump për rolin e tij në botë por edhe në rajonin tonë në ruajtjen e paqes dhe sigurisë, besoj se secili qytetar i Kosovës është falënderues për rolin e ShBA-ve, ne e ruajmë Kosovën edhe në mbështetje amerikane, i ruajmë kufijtë tanë me prezencën ushtarake amerikane në Kosovë dhe bashkëpunojmë ngushte me administratën amerikane në mënyrë që kontributi ynë si Kosovë të jetë vetëm për paqe, siguri dhe zhvillim. Sa i përket deklaratës së presidentit Trump, unë jam përgjigjur në pyetje ku pyetja ka qenë konkretisht për deklaratat në kohën e fundit. Unë kur jam përgjigjur në këto pyetje, kam thënë se mënyra si e kuptojmë ne, pra nuk kam interpretuar deklarata të Trumpit, por e kam thënë si e kam kuptuar unë si presidente, ka deklaruar presidentja në një konferencë për media../teve1.info/
