Pacolli për Nishanin ka thënë se do t’i mungojë përgjithmonë kombit, si një njeri i urt e me integritet të lartë.
“Sapo mora lajmin e hidhur për ndarjen nga jeta të mikut tim shumë të afërt, Ish-Presidentin e Shqipërisë Bujar Nishani. Atë do ta kujtoj gjithmonë si njeri i urtë, i respektuar dhe me integritet të lartë. I bindur që do ti mungojë përgjithmonë kombit. Shprehi ngushëllimet e mia familjes Nishani dhe çdo shqiptarit, kudo!”, ka shkruar Pacolli në një postim në Facebook.
Ndryshe, ish-presidenti i Shqipërisë, Bujar Nishani ka vdekur sot pas një sëmundje në mushkëri, të cilën ia përkeqësoi COVID-19.
Nishani fillimisht mori ndihmën mjekësore në spitalin ‘Shefqet Ndroqi’ dhe pas rëndimit të gjendjes shëndetësore, u dërgua në Gjermani.
Bujar Nishani ishte 56 vjeç dhe ushtroi detyrën e Presidentit të Shqipërisë nga 24 korriku i vitit 2012 deri në 24 korrik të vitit 2017. /teve1.info/