Kryetari i Lidhjes Demokratike të Kosovës, Lumir Abdixhiku, ka pritur sot në një takim në selinë qendrore ambasadorin e Gjermanisë në Kosovë, Jörn Rohde. Në fokus të diskutimeve ishin zhvillimet e fundit politike në vend, me theks të veçantë në krizën e thelluar institucionale.
Përmes një njoftimi publik, Abdixhiku ka theksuar se vendi po përballet me një ngërç institucional serioz, për të cilin fajësoi Lëvizjen Vetëvendosje. Sipas tij, partia në pushtet po e mban peng funksionalizimin e institucioneve përmes mungesës së vullnetit politik dhe sjelljes jo konstruktive.
“Kjo sjellje jo vetëm që dëmton besimin qytetar, por edhe cenon parimet themelore të demokracisë dhe rendin kushtetues,” thuhet në deklaratën e Abdixhikut, ku ai rithekson rëndësinë e respektimit të Kushtetutës së Republikës së Kosovës dhe domosdoshmërinë për formimin e institucioneve funksionale që i shërbejnë qytetarëve.
Në fund të takimit, kryetari i LDK-së ka shprehur mirënjohje për përkrahjen e vazhdueshme të Gjermanisë në proceset demokratike dhe shtetformuese të Kosovës.
Postimi:
