Agjencia e Statistikave të Kosovës (ASK) ka publikuar statistikat e transportit dhe telekomunikimit për muajin maj të këtij vitit, sipas të cilave numri i fluturimeve dhe udhëtarëve ka shënuar rritje krahasuar me majin e vitit 2024.
Siç bëhet e ditur në njoftim, në muajin maj të këtij viti, numri i fluturimeve të realizuara ishte 1 mijë e 169, ose 16,7 për qind më shumë sesa në periudhën e njëjtë të vitit të kaluar, kurse numri i udhëtarëve në total ishte 381 mijë e 458 ose 13.3 për qind më shumë sesa në periudhën e njëjtë të vitit të kaluar.
Ndërkohë, sipas ASK-së, numri i udhëtarëve me tren në muajin maj 2025 ishte 8 mijë e 491 ose 22,5 për qind më shume sesa në periudhën e njëjtë të vitit të kaluar dhe sasia e mallrave të transportuara me tren në neto ton ishte zero.
Po ashtu sipas ASK-së, në muajin maj 2025, numri i përdoruesve të rrjetit telefonik fiks ishte 68 mijë e 478 me një rënie prej 1 për qind më pak sesa në periudhën e njëjtë të vitit të kaluar.
