Tërnava tregon momentin e shpëtimit të një vajze kur disa persona tentuan ta fusnin me dhunë në veturë. Sipas tij nga ai rast Drejtoria e shkollës në Podujevë e ftuan që të ofrojë siguri në shkolla.
“Serbia i pruni forcat e veta me Polici e Gjykata. Është formuar njëfarë anarkie, njerëzit e lig kanë bërë çfarë kanë dashur. Policisë e Serbisë dhe Gjykatat nuk u merreshin me ne sepse atyre iu ka konvenuar që ne të kishim probleme mes vete. Disa kanë bashkëpunuar që të bëhen këto tollovia. Unë dola në Podujevë, unë duke shkuar te shkolla, po e shohim një rast nja tre katër veta e kishin ndalë një femër tentonin ta fusnin me dhunë në veturë në mesin e ditës. Unë nuk munda ta shoh atë rast dhe ndërhyra dhe jam rrahur me ta. Besa iu kam qëndruar goditjeve të tyre. Pas kësaj nxënësja është kthyer në shkollë”, tha ai në emisionin “Info Nata” në Tëvë1.
Tërnava thotë se profesorët e falënderuan për rastin e shpëtimit të nxënëses.
“Të nesërmit profesorët janë interesuar që të më gjenin mu se kush jam unë. Më kanë thirr në shkollë Drejtoria dhe më falënderuan për rastin, por thanë profesorët neve na u duhesh sepse kemi hetuar që ke mundësi të përfundosh diçka në këtë drejtim dhe të na ndihmosh sepse jemi në telashe nga bandat e jashtme dhe grupacioneve. Unë e pranova atë detyrë dhe kisha dëshirë të bëjë mirë”, ka deklaruar ai. /teve1.info/
